İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 905 Hüküm no: 1232 Orijinal metin no: [134a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühânî bt. Abdüllatif’in kocası Mahmud Beşe b. Ali’den boşandığı Medîne-i Ebâ Eyyûb Ensârî kazâsına tâbi‘ Otakçılar mahallesinde sâkine Ümmühânî bt. Abdüllatif meclis-i şer‘de işbu bâ‘isü’l-kitâb zevci Mahmud Beşe b. Ali mahzarında bi tav‘ihâ ikrâr ve takrîr-i kelâm edip zevcim mezbûr Mahmud Beşe zimmetinde mütekarrir ve ma‘kūdun-aleyh olan on bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcem mezbûr Mahmud Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete ve gayra müte‘allika âmme-i da‘vâdan her birimiz âharın zimmetini ibrâ-i âm [ile] ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fi’l-yevmi’l-hâdî aşer min Cemâziyelâhir li sene erba‘a ve seb‘în ve elf. Şuhûdü’l-hâl: İbrahim Efendi b. Mustafa, Ali Efendi b. Himmet, Mehmed Efendi b. Ali, Ahmed Çelebi b. Receb ve gayruhüm.