İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 907 Hüküm no: 1237 Orijinal metin no: [134b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın kocası Abdullah b. Ahmed’den muhâlaa yoluyla boşandığı Mahmiye-i İstanbul’da Müftü Ali Çelebi mahallesinde sâkine Fâtıma bt. Abdullah nâm hâtun mahfil-i kazâda, işbu bâ‘isü’l-kitâb zevci Abdullah b. Ahmed mahzarında ikrâr ve takrîr-i kelâm edip zevcim mezbûr Abdullah zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Abdullah ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fî târihi’l-mezbûr. Şuhûdü’l-hâl: El-Hâc Ahmed b. Mahmud, Şükrullah Bey b. Mustafa, Abdi Çelebi b. Hüseyin, Baba Resûl b. Rıdvan ve gayruhüm.