İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 915 Hüküm no: 1251 Orijinal metin no: [136b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Veli b. Hacı Ramazan, Mahmud Bey b. Mustafa ve İbrahim b. Budak’ın, Sefer v. Bedir’de olan alacaklarını tahsil ettikleri Mahmiye-i İstanbul’da Sâlih Paşa mahallesi sükkânından el-Hâc Veli b. el-Hâc Ramazan ve Mahmud Bey b. Mustafa ve İbrahim b. Budak nâm kimesneler meclis-i şer‘-i hatîrde mahmiye-i İstanbul’da ekmekçi tâifesinden olup işbu bâ‘isü’s-sifr Sefer v. Bedir nâm zimmî muvâcehesinde her biri ikrâr ve takrîr-i kelâm edip bundan akdem mezkûr Sefer’e yedimizden müşterâ ve makbûz-ı küllî beynimizde ma‘lûm on dört bin akçeye buğday bey‘ ve teslîm eylemişdik. Zikr olunan meblağ-ı merkūm on dört bin akçeyi mezkûr Sefer yedinden tamânen ahz ve makbûz eyledik dediklerinde, gıbbe’t-tasdîki’l-vicâhî mâ vaka‘a bi’t-taleb ketb olundu. Fi’l-yevmi’s-sânî aşer min Cemâziyelâhir li sene 1074. Şuhûdü’l-hâl: Abdülkādir Efendi b. Mehmed, Mehmed Çelebi b. Abdullah, Ahmed Halîfe el-Müezzin, Nasûh Beşe b. Mehmed, Mahmud Çelebi b. ( ) ve gayruhüm.