İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 937 Hüküm no: 1273 Orijinal metin no: [142a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Ahmed’in Maden b. Mehmed’den muhâlaa yoluyla boşandığı Mahmiye-i İstanbul’da Arpaemini mahallesinde sâkine Sâliha bt. Ahmed nâm hâtun mahfil-i kazâda, zevci işbu bâ‘isü’l-kitâb Maden b. Mehmed mahzarında ikrâr ve takrîr-i kelâm edip mezbûr Maden zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre merkūm Maden ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i de‘âvîden her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fî târihi’l-mezbûr. Şuhûdü’l-hâl: Bayram b. Hamza, Mehmed b. Ramazan, Ahmed Çelebi b. Mahmud, Abdullah Çelebi el-Kâtib ve gayruhüm.