İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 80 Hüküm no: 17 Orijinal metin no: [6b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Fâtıma ve İsmihân adlı küçük kızlara nafaka takdir ettiği İşbu, mazmûnunda hâkimin nafakaya hükm etmesinden bahsedilen hüccet-i şer‘iyye ve vesîka-i mer‘iyyedir hâkim, Hasan b. Abdullah’ın Fâtıma ve İsmihân nâm iki sagīre kızının nafakası, kisvesi ve sâir havâic-i zarûriyyeleri için medîne-i mahmiye-i Kostantıniyye mahallâtından Neslişah mahallesinde sâkine râfiatü hâze’l-kitâb Sâliha bt. Abbas nâm mutallaka anneleri ve hâdinelerinin talebiyle mezbûr babaları Hasan üzerine zeyilde mezkûr tarihden i‘tibâren her birisine râyicü’l-vakt yevmî üçer akçe olmak üzre altı akçe farz ve takdîr etti hâkim sonra meblağ-ı mefrûz-i mezbûru sagīreteyn-i mezbûreteynin nafakasına, kisvesine ve sâir havâic-i zarûriyyelerine sarf etmeye ve vakt-i hâcette istidâne edip ele geçtiğinde babaya rücû‘ etmeye mezbûre Sâliha’ya izin verdi. Cerâ zâlike ve hurrire fi’l-yevmi’l-ışrîn mine’l-Muharremi’l-harâm sene seb‘a ve semânîn ve elf. Şuhûdü’l-hâl: Mustafa Efendi el-İmâm, Mustafa b. Musa, Şâhin b. Abdullah, Mustafa b. Hasan, el-Hâc İbrahim berber, Hamza …?, Sinan Beşe …? ve gayruhüm