İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 122 Hüküm no: 67 Orijinal metin no: [17b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mehmed’in Karahisarlı el-Hâc Sefer’e olan borcunu İstanbul’da bulunan Sefer Çelebi’ye vermesi Vilâyet-i Anadolu’da medîne-i Karahisar mahallâtından Sofular mahallesi ahâlîsinden olup mahmiye-i İstanbul’da Ali Paşa han’ına bi tarîki’l-müsâfere sâkin bâ‘is-i hâze’l-kitâb Sefer Çelebi b. el-Hâc Mustafa nâm kimesne meclis-i şer‘de, Ahmed b. Mehmed nâm kimesne mahzarında üzerine da‘vâ ve takrîr-i kelâm edip bundan akdem gâ’ib ani’l-meclis Karahisarî el-Hâc Sefer demekle ma‘rûf kimesnenin mezbûr Ahmed zimmetinde kösele semeninden on altı guruş hakkı olmağla mezbûr Hacı Sefer meblağ-ı mezbûr için beni mezbûr Ahmed üzerine üçümüz bir arada iken rızâmız ile mûmâ-ileyhe hüccet-i şer‘iyye ile havâle edip ben dahi mezbûr Ahmed ile havâle-i mezbûreyi kabûl etmiş idim hâlâ mezbûr Ahmed’e suâl olunup havâle-i mezbûreye binâen meblağ-ı mezbûru bana edâ ve teslîme tenbîh olunmak matlûbumdur dedikde gıbbe’s-suâl mezbûr Ahmed cevâbında kaziyye minvâl-i muharrer üzre olup havâle-i mezbûreye binâen meblağ-ı mezbûr zimmetinde müdde‘î-i mezbûreye binâen müdde‘î-i mezbûra edâya mezbûr Ahmed’e tenbîh olunmağın mâ vaka‘a bi’t-taleb ketb olundu. Fi’l-yevmi’s-sâmin ve’l-ışrîn mine’l-Muharremi’l-harâm li sene seb‘a ve semânîn ve elf. Şuhûdü’l-hâl: Es-Seyyid Ahmed Çelebi, Mehmed Beşe, Ahmed Çelebi b. Halil, Mustafa Beşe Hacızâde, Mehmed b. Mehmed, Mustafa Beşe b. ( ), es-Seyyid Emin ( ), İbrahim Çelebi b. Mehmed, Ebûbekir b. Hasan.>>