İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 131 Hüküm no: 79 Orijinal metin no: [19b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdurrahman b. Mehmed’in Hasan Efendi Vakfı’na borcunu ödemesi Mahmiye-i İstanbul’da merhûm Hasan Efendi vakfına bi’l-fi‘l mütevellî olan bâ‘is-i hâze’l-kitâb Mehmed Efendi b. Mahmud nâm kimesne meclis-i şer‘-i şerîfde Abdurrahman b. Mehmed nâm kimesne mahzarında üzerine da‘vâ [ve] takrîr-i kelâm edip yedimde olan mâl-ı vakf-ı mezbûrdan elli esedî guruşu mezbûr Abdurrahman’a bin yetmiş dokuz senesinde edâ ve teslîm ol dahi istidâne ve tesellüm ve kabz etmiş idi hâlâ suâl olunup [20a] meblağ-ı mezbûru bana edâya tenbîh olunmak matlûbumdur dedikde gıbbe’s-suâl mezbûr Abdurrahman Efendi cevâbında kaziyye minvâl-i meşrûh üzre olduğunu bi tav‘ihî ikrâr ve i‘tirâf etmeğin mûcebince meblağ-ı mezbûr elli guruşu müdde‘î-i mezbûr Mehmed Efendi’ye [edâ ve teslîme] mezbûr Abdurrahman tenbîh olunmağın mâ vaka‘a bi’t-taleb ketb ü tahrîr olundu. Fî gurreti Saferi’l-hayr min şühûri li sene seb‘a ve semânîn ve elf. Şuhûdü’l-hâl: Abdullah Efendi b. Mahmud, el-Hâc Kenan el-Mübâşir, Ömer Çelebi b. Ebûbekir, Yusuf Çelebi b. Mehmed ve gayruhüm mine’l-hâzırîn.