İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 134 Hüküm no: 82 Orijinal metin no: [20b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdullah Çelebi b. Mehmed’in Sâliha bt. Ahmed’den alacağını tahsil ettiği Mahmiye-i İstanbul’da Kesmekaya mahallesinde sâkin Abdullah Çelebi b. Mehmed nâm kimesne meclis-i şer‘-i şerîfde bâ‘isetü hâze’l-kitâb Sâliha bt. Ahmed nâm hâtun mahzarında ikrâr ve takrîr-i kelâm edip mezbûre Sâliha Hâtun zimmetinde cihet-i karz-ı şer‘îden kırk esedî guruş hakkım olmağla hâlâ meblağ-ı mezbûru bana edâ ve teslîm ben dahi yedinden ahz u kabz ettiğimden sonra mezbûre Sâliha meblağ-ı mezbûr kırk esedî guruş mukābelesinde eşyâ-i memlûkesinden bana rehin vaz‘ ettiği bir al sandal kaplı nâfe kürkünü mezbûre Sâliha’ya def‘ ve teslîm mezbûre Sâliha dahi yedimden ba‘de’l-ahz ve’l-kabz, mezbûre Sâliha zimmetinde meblağ-ı mezbûrdan bir akçe ve bir habbe hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ min Saferi’l-hayr li sene seb‘a ve semânîn ve elf. Şuhûdü’l-hâl: Ahmed Çelebi b. Ali, çukadâr Mehmed Çelebi el-Hâc, el-Hâc Osman b. ( ), Mehmed Efendi b. Yusuf ve Molla Mahmud b. Ahmed, İbrahim Çelebi, Osman Beşe b. Ömer, Muharrem b. Şaban.