İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 162 Hüküm no: 118 Orijinal metin no: [28a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye bt. Abdullah’ın kocası İsmail b. Aydın’dan muhâla‘a yoluyla boşandığı Mahmiye-i İstanbul’da İskenderpaşa mahallesinde sâkine olup zâtı ma‘rifet-i şer‘iyye ile ârifân Hasan Efendi b. Burhan ve Osman b. Abdullah nâm kimesneler ta‘rîfleri ile mu‘arrefe olan Safiye bt. Abdullah nâm hâtun meclis-i şer‘-i şerîfde zevci dâhili bâ‘is-i hâze’l-kitâb İsmail b. Aydın nâm kimesne mahzarında ikrâr-ı tâm ve takrîr-i kelâm edip zevcim mezbûr İsmail zimmetinde mütekarrir ve ma‘kūdun-aleyh olan bin yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr İsmail ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettiğinden sonra hukūk-ı zevciyyete müte‘allika cemî‘ da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ min Saferi’l-hayr li sene seb‘a ve semânîn ve elf. Şuhûdü’l-hâl: İbrahim b. Mustafa el-Muhzır, İbrahim Çelebi b. Ahmed, Mehmed Efendi Müftüzâde, Veli Beşe el-Muhzır ve gayruhüm.