İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 166 Hüküm no: 122 Orijinal metin no: [29a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Osman’ın Emine bt. Halil ile evlenmekten vazgeçtiği Vilâyet-i Anadolu’da Bolu sancağında Onikidîvân kazâsına tâbi‘ Arıelma nâm karye ahâlîsinden Mustafa Bey b. Osman nâm kimesne meclis-i şer‘-i şerîf-i lâzımü’t-teşrîfde, kazâ-i mezbûre sâkinelerinden bâ‘isetü hâze’l-vesîka Emine bt. Halil nâm bikrin li ebeveyn karındaşı ve tarafından husûs-ı âti’l-beyâna vekîl[i] olup bimâ hüve nehci’s-sübût şer‘an vekâleti sâbit olan Abdullah nâm kimesne mahzarında ikrâr ve takrîr-i kelâm [edip] bundan akdem müvekkile-i mezbûre Emine’ye tezevvüc için nâmzât olmuş idim hâlâ müvekkile-i mezbûreyi tezevvücden ferâgat eyledim, ba‘de’l-yevm mezbûre Emine kendi nefsini dilediği kimesneye [tezvîc] [29b] eylesin dedikde vâki‘u’l-hâl hıfzan li’l-makāl bi’t-taleb ketb olundu . Fi’l-yevmi’s-sâlis aşer min Saferi’l-hayr li sene seb‘a ve semânîn ve elf. Şuhûdü’l-hâl: Mustafa Çelebi b. Hanefi, el-Hâc Ahmed Çelebi b. Mümin, Ömer Bey b. Ali, Hasan Bey b. Abdullah, İbrahim Çelebi b. Ahmed, Bayram Çelebi b. Abdullah, Osman b. Ömer, Mehmed Çelebi b. Mehmed ve gayruhüm.