İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 257 Hüküm no: 226 Orijinal metin no: [56b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye bt. Ali ile Musa b. Mehmed’in boşandıkları Mahmiye-i İstanbul’da Yeni bahçe kurbunda Karabaş mahallesi sâkinelerinden olup zâtı ma‘rifet-i şer‘iyye ile ârifân Ahmed Çelebi b. Yusuf ve Mehmed b. Veli nâm kimesneler ta‘rîfleri ile mu‘arrefe olan Safiye bt. Ali nâm hâtun meclis-i şer‘-i şerîfde zevc-i dâhili bâ‘is-i hâze’l-kitâb Musa b. Mehmed nâm kimesne mahzarında ikrâr ve takrîr-i kelâm edip zevcim mezbûr Musa zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine, mukaddemâ kendiye def‘ ve teslîm eylediğim yedi kıt‘a esedî guruş bedel-i hul‘ olmak üzre ve me’ûnet-i süknâm dahi kendi üzerime olmak üzre zevcim mezbûr Musa ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabû[l] ettiğinden sonra hukūk-ı zevciyyete ve meblağ-ı mezbûra müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ [ve] iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min Saferi’l-hayr li sene seb‘a ve semânîn ve elf. Şuhûd[ü’l-hâl]: İbrahim Çelebi b. Mehmed, Ebûbekir b. Hüseyin, Osman Beşe b. Ömer, İbrahim Çelebi b. Ahmed ve gayruhüm.