İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 258 Hüküm no: 227 Orijinal metin no: [56b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. İbrahim’in Mehmed Çelebi b. Ahmed’e olan borcunu ödeyeceği Mahmiye-i İstanbul’da Fenâyî Dede mahallesi sâkinelerinden Emine bt. İbrahim nâm hâtun zât[ını] ma‘rifet-i şer‘iyye ile ârifân İbrahim Çelebi b. Ahmed ve Mustafa Beşe b. Ali nâm kimesneler ta‘rîfleriyle mu‘arrefe oldukdan sonra meclis-i şer‘-i şerîfde bâ‘is-i hâze’l-kitâb Mehmed Çelebi b. Ahmed nâm kimesne mahzarında ikrâr ve takrîr-i kelâm edip mezbûr Mehmed Çelebi’ye cihet-i karz-ı şer‘îden yedine verdiğim temessük mûcebince deynim olan iki yüz yirmi yedi buçuk guruşun altmış yedi buçuk guruşunu mezbûr Mehmed Çelebi’ye bundan akdem edâ ve teslîm ol dahi yedimden ahz u kabz edip bâkī yüz altmış esedî guruşu zimmetimde mezbûr Mehmed Çelebi’ye vâcibü’l-edâ ve lâzımü’l-kazâ deynimdir dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Saferi’l-hayr li sene seb‘a ve semânîn ve elf. Şuhûdü’l-hâl: Veli Bey b. Mahmud, Abdullah Çelebi b. Ahmed Efendi, Ebûbekir b. Hüseyin, Mehmed b. Mehmed ve gayruhüm mine’l-hâzırîn.