.:: İstanbul Kadı Sicilleri ::.


Ahi Çelebi Mahkemesi 1 Numaralı Sicil (H. 1063-1064 / M. 1652-1653)
cilt: 49, sayfa: 100
Hüküm no: 93
Orijinal metin no: [14b-1, Arapça]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Manol v. İzuka’nın bağını istiğlâl yoluyla Ali b. el-Hâc Mustafa’ya sattığı

Kazâ-yı Üsküdar tevâbi‘inden Kurfalı karyesi sükkânından Manol v. İzuka nâm zimmî meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzır olup işbu akdin kendisinden sudûruna kadar mâliki olduğu ve taht-ı tasarrufunda bulundurduğu, karye-i mazbûrede vâki‘, hudûdu bir tarafından Azgari mülkü, tarafeynden tarîk-i âm, bir tarafından da vâdi ile mahdûd bulunan cemî‘ bağını râyicü’l-vakt on bin akçe semen-i mu‘ayyen-i makbûzla Ali b. el-Hâc Mustafa nâm sagīre kıbel-i şer‘den mansûb vasî olan hâmil-i kitâb Himmet Beşe b. Mehmed’e bey‘ eylediğini ikrâr u i‘tirâf etti. Mezbûr Himmet Beşe de sagīr-i merkūm mâlıyla ve istiğlâl maksadıyla bağ-ı mesfûru iştirâ etti. Vâki‘ ikrâr müşteri-yi mezbûr tarafından vicâhen ve şifâhen tasdîk edildi. Bâyi‘-i mezkûrun istîcârı üzere mezbûr Himmet Beşe bağ-ı merkūmu zeyl-i kitâbda mezkûr târîhin gurresinden bir sene tamamına râyicü’l-vakt bin beş yüz akçe ücret-i kirâ ile icâreye verdi.

Cerâ zâlike ve hurrire fi’l-yevmi’s-sâdis min-Şevvâli’l-mükerrem li-sene selâse ve sittin ve elf.

Şuhûdü’l-hâl: İsmail Beşe b. el-Hâc Mehmed, İsmail Beşe b. Tursun?, Yusuf Beşe b. Hürrem, Süleyman Beşe b. Hamza, Mehmed b. İbrahim