İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 287 Hüküm no: 265 Orijinal metin no: [66a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. Ali’nin boşandığı karısı Fâtıma bt. Hüseyin’e mehrini ödemesi gerektiği Mahmiye-i İstanbul’da Kalenderhâne mahallesi sâkinelerinden bâ‘isetü hâze’l-kitâb Fâtıma bt. Hüseyin nâm hâtun meclis-i şer‘-i şerîf-i lâzımü’t-tevkīrde zevc-i mutallıkı İbrahim Çelebi b. Ali nâm kimesne mahzarında üzerine da‘vâ ve takrîr-i kelâm edip zevcim mezbûr İbrahim Çelebi târih-i kitâbdan on beş gün mukaddem beni bâyinen tatlîk etmeğin zimmetinde mütekarrir ve ma‘kūdun-aleyh olan bin beş yüz akçe mehr-i müeccelim zevcim mezbûr İbrahim Çelebi zimmetinde kalmış idi suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr İbrahim Çelebi cevâbında kaziyye minvâl-i muharrer üzre olduğunu bi’t-tav‘i’s-sâf ikrâr ve i‘tirâf etmeğin mûcebince meblağ-ı mezbûr bin beş yüz akçeyi müdde‘iye-i mezbûre Fâtıma Hâtun’a edâ ve teslîme merkūm İbrahim Çelebi’ye tenbîh olunmağın mâ vaka‘a bi’t-taleb ketb olundu. Fi’t-tâsi‘ ve’l-ışrîn min Saferi’l-hayr li sene seb‘a ve semânîn ve elf. Şuhûdü’l-hâl: Abdullah Çavuş b. İslâm Çavuş, Ali Çavuş b. Mehmed Çavuş, Osman Çelebi b. Mustafa, İbrahim Çelebi b. Ahmed, Veli Beşe b. Mahmud, Ebûbekir Çelebi b. Hüseyin, Osman b. Ömer ve gayruhüm.