İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 325 Hüküm no: 309 Orijinal metin no: [79a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin, Seyyid Feyzullah b. Seyyid Mustafa Efendi adlı çocuğa nafaka takdir ettiği İşbu, mazmûnunda hâkimin nafakaya hükm etmesinden bahsedilen sahîh ve şer‘î bir hüccettir hâkim, Seyyid Feyzullah b. Seyyid Mustafa Efendi nâm sagīrin nafakası, kisvesi ve sâir havâic-i zarûriyyesi için mahmiye-i Kostantıniyye mahallâtından Hurrem Çavuş mahallesinde sâkine olan hâfıza-i hâzihi’l-vesîka Raziye bt. Mehmed nâm ninesi ve hâdinesinin talebiyle bundan akdem mahmiye-i Kostantıniyye mahallâtından Karabaş mahallesinde sâkine iken vefât eden Fâtıma bt. Mehmed nâm annesinden kendisine irs-i şer‘le intikāl eden ve hâlen Ömer Efendi b. Mustafa nâm vasîsinin yedinde muhafaza edilen mallardan alınmak üzre zeyl-i kitâbda mezkûr tarihden i‘tibâren râyicü’l-vakt yevmî on akçe farz ve takdîr etti hâkim sonra meblağ-ı mefrûzu sagīr-i mezbûrun nafaka, kisve ve sâir havâic-i zarûriyyesine sarf etmeye ve vakt-i hâcette istidâne edip mâl-ı mevrûsa rücû‘ etmeye mezbûre Raziye’ye izin verdi. Cerâ zâlike ve hurrire fi’l-yevmi’l-hâmis min şehri Rebî‘ilevvel sene seb‘a ve semânîn ve elf. Şuhûdü’l-hâl: Mehmed Efendi b. Mehmed, İbrahim Çelebi b. Ahmed, Abdurrahman Efendi b. Hüseyin, Hüseyin b. Zülfikār, Ali b. Abdi, Musa Efendi b. Mustafa, Mehmed Efendi el-kâtib ve gayruhu.