İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 334 Hüküm no: 319 Orijinal metin no: [82b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Ağa b. Mehmed’in kölesi Yusuf b. Abdullah’ı azat ettiği Mahmiye-i İstanbul’da Harâccı Muhyiddin mahallesinde sâkin hamamcılar kethüdâsı Ahmed Ağa b. Mehmed nâm kimesne tarafından husûs-ı âti’l-beyâna vekîli olduğu Mustafa b. Ahmed ve Hasan b. Sinan nâm kimesneler şehâdetleri [ile] şer‘an sâbit olan Mehmed Ağa b. Abdülkādir nâm kimesne meclis-i şer‘-i şerîfde ikrâr ve takrîr-i kelâm edip müvekkilim mezbûr Ahmed Ağa’nın kendiye rıkkıyyetini mu‘terif olan işbu uzun boylu açık kaşlı sarı ala gözlü Rûsiyyü’l-asl bâ‘is-i hâze’l-kitâb Yusuf b. Abdullah nâm abd-i memlûkünü, hasbeten lillâhi’l-meliki’l-Hallâk ve taleben li merzâti’r-rabbi’r-Rezzâk malından tahrîr ve i‘tâk ve zümre-i ahrâr-ı asliyyîne idrâc ve ilhâk eyledi ba‘de’l-yevm mevsûf-ı mezbûr Yusuf sâir ahrâr-ı asliyyîn gibi hür olup üzerinde müvekkilim mezbûr Ahmed Ağa’nın velâ-i şer‘îden gayrı hakkı kalmadı dedikde mâ vaka‘a bi’t-taleb ketb olundu. Fi’l-yevmi’s-sâdis min şehri Rebî‘ilevvel li sene seb‘a ve semânîn ve elf. Şuhûdü’l-hâl: Ahmed Efendi b. Ramazan el-İmâm, Sâlih Ağa b. Halil, Receb Ağa b. Hüseyin, Mehmed Beşe b. Mehmed, Hüseyin Beşe b. Yakub, Hasan b. ( ), Mehmed Beşe b. Terzi