İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 336 Hüküm no: 321 Orijinal metin no: [83a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. İsa’nın eşi Süleyman b. Mehmed’den muhâla‘a yoluyla boşandığı Mahmiye-i İstanbul’da Hasan Paşa mahallesi sâkinelerinden Raziye bt. İsâ nâm hâtun zâtı ma‘rifet-i şer‘iyye ile ârifân Ali b. Ahmed ve Mehmed b. Nasûh nâm kimesneler ta‘rîfleriyle mu‘arrefe oldukdan sonra meclis-i şer‘-i şerîf-i enver ve mahfil-i dîn-i münîf-i ezherde, zevc-i dâhili bâ‘is-i hâze’l-kitâb Süleyman b. Mehmed nâm kimesne mahzarında ikrâr-ı tâm ve takrîr-i kelâm edip mezbûr Süleyman zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Süleyman ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl eyledikden sonra hukūk-ı zevciyyete ve gayra müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî aşer min şehri Rebî‘ilevvel li sene seb‘a ve semânîn ve elf. Şuhûdü’l-hâl: Ebûbekir b. Hüseyin, Muhzır Mahmud Çelebi b. İsmail, Mehmed Çelebi b. Abdullah muhzırân, İbrahim Çelebi b. Ahmed.