İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 342 Hüküm no: 328 Orijinal metin no: [85a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsrail v. Simoy’un, Mehmed b. Hüseyin’den alacağı olduğunun tesbiti Mahmiye-i İstanbul’da Balatkapısı dâhilinde el-Hâc İsâ mahallesinde sâkin bâ‘is-i hâze’s-sifr İsrail v. Simoy nâm yahudi meclis-i şer‘-i şerîfde Mehmed b. Hüseyin nâm kimesne mahzarında üzerine da‘vâ ve takrîr-i kelâm edip beynimizde ma‘lûm çuka semeninden ba‘de küllî hesâb mezbûr Mehmed zimmetinde on iki buçuk esedî guruşun alıverilmesi matlûbumdur dedikde gıbbe’s-suâl mezbûr Mehmed cevâbında fi’l-vâki‘ kaziyye minvâl-i muharrer üzre olup cihet-i merkūmeden zimmetinde [85b] meblağ-ı mezbûr on iki esedî guruş müdde‘î-i mezbûr İsrail’e deyni olduğunu bi’t-tav‘i’s-sâf ikrâr ve i‘tirâf ettiğinden sonra mûcebince meblağ-ı mezbûr on iki buçuk esedî guruşu mezbûr İsrail’e edâya mezbûr Mehmed’e tenbîh olunmağın mâ vaka‘a bi’t-taleb ketb olundu. Fi’l-yevmi’l-âşir min Saferi’l-hayr li sene seb‘a ve semânîn ve elf. Şuhûdü’l-hâl: İbrahim Çelebi b. Mehmed el-Muhzır, Osman Beşe b. ( ) el-Muhzırûn, Veli Beşe b. Mahmud el-Muhzır ve gayruhüm.