İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 373 Hüküm no: 368 Orijinal metin no: [96a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kalender bt. Abdullah’ın boşandığı eşi Mehmed b. Abbas’ın zimmetini ibrâ ettiği Mahmiye-i İstanbul’da Derviş Ali mahallesinde sâkine Kalender bt. Abdullah nâm Hâtun meclis-i şer‘-i şerîf-i lâzımü’t-teşrîfde, zevc-i muhâlı‘ı bâ‘is-i hâze’l-kitâb Mehmed b. Abbas nâm kimesne mahzarında ikrâr ve takrîr-i kelâm edip zevcim mezbûr Mehmed zimmetinde mütekarrir ve ma‘kūdun-aleyh mehr-i müeccelim olan üç bin beş yüz akçe ile nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Mehmed ile muhâla‘a edip ol dahi muhâla‘a-i mezbûreyi kabûl ettiğinden sonra hukūk-ı zevciyyete ve bundan mukaddem sâkine olduğum menzilimin binâsiyçün mezbûr Mehmed’e teslîm eylediğim yüz kırk guruşa müte‘allika âmme-i da‘vâdan ben mezbûr Mehmed’in zimmetini ibrâ ve iskāt edip mezbûr Mehmed dahi benden da‘vâ ve taleb ettiği cihete binâen mezbûrdan iki bin beş yüz elli akçeye müte‘allika âmme-i de‘âvâdan benim zimmetimi ibrâ ve iskāt eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin aşer min şehri Rebî‘ilevvel li sene seb‘a ve semânîn ve elf. Şuhûdü’l-hâl: Mustafa Çelebi b. [Ve]li, Mustafa Çelebi b. İlyas, İbrahim Çelebi b. Mehmed, Ali b. Veli ve gayruhüm