İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 407 Hüküm no: 416 Orijinal metin no: [109a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zülfikar Çelebi b. İsmail’in emanet olarak verdiği eşyasını kendisine iade etmesi talebiyle Mehmed Ağa b. Pîrî aleyhine açtığı davada iddiasını ispat edemediği Mahmiye-i İstanbul’da Bostan câmi‘i kurbunda ( ) mahallesi sâkinlerinden Zülfikār Çelebi b. İsmail nâm kimesne meclis-i şer‘-i şerîfde bâ‘is-i hâze’l-kitâb Mehmed Ağa b. Pîrî nâm kimesne mahzarında üzerine da‘vâ ve takrîr-i kelâm edip bundan akdem bir sîm hançer ve bir sîm sâ‘atimi merkūm Mehmed Ağa’ya emânet vaz‘ ve teslîm ol dahi ber vech-i muharrer ahz u kabzetmiş idi hâlâ merkūm Mehmed Ağa’ya suâl olunup eşyâ-i mezkûreyi bana def‘ ve teslîme tenbîh olunmak matlûbumdur dedikde gıbbe’s-suâl ve’l-inkâr müdde‘î-i mezbûrda müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin merkūm Mehmed Ağa’ya müdde‘î-i mezbûrun eşyâ-i mezkûresini ber vech-i muharrer ahz [109b] u kabz etmeyip elân üzerine red ve zamândan bir nesne lâzım olmadığına yemîn teklîf olundukda ol dahi alâ vefki’l-mes’ûl yemîn billâhi’l-aliyyi’l-a‘lâ etmeğin mûcebince müdde‘î-i mezbûr Zülfikār bilâ-beyyine ber vech-i muharrer mu‘ârazadan men‘ olunmağın mâ vaka‘a bi’t-taleb ketb olundu. Fi’l-yevmi’s-sâmin aşer min şehri Rebî‘ilevvel li sene seb‘a ve semânîn ve elf. Şuhûdü’l-hâl: İbrahim b. Ahmed, Hüseyin Çelebi b. Mehmed, Ebûbekir b. Hüseyin, Osman Çelebi b. Ömer.