İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 408 Hüküm no: 417 Orijinal metin no: [109b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Dimitri’nin küçük kızı Ezmerağda üzerine annesi Palolokine bt. İstiko’nun vasî tayin olunduğu Mahmiye-i İstanbul’da Ali Paşa-yı Atîk mahallesinde sâkin iken bundan akdem hâlik olan Dimitri v. Nikola nâm zimmînin sagīre kızı Ezmerağda’nın ahvâlini zabt ve emvâlini hıfz için bir vasî nasb ve ta‘yîn olunmak ehem ve elzem sagīre-i mezbûrenin vâlidesi işbu bâ‘is-i hâze’s-sifr Palolokine bt. İstiko nâm nasrâniyye her vechile vesâyet uhdesinden gelmeğe kemâ yenbağī kādire ve müstakīme olmağla sagīre-i mezbûrenin ahvâlini zabt ve emvâlini hıfz için kıbel-i şer‘den mezbûre Palolokine vasî nasb ve ta‘yîn olunup ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min şehri Rebî‘ilevvel li sene seb‘a ve semânîn ve elf. Şuhûdü’l-hâl: Mustafa Efendi b. Durak el-İmâm, İsmail Halîfe b. Süleyman el-Müezzin, Mustafa b. Mahmud, Mehmed b. Ali, Mehmed b. Abdullah, İbrahim Çelebi b. Ahmed, Nikola v. Dimo, Kanalo v. Yani, Asvadur v. Yorgi, Kanalo v. Yani.