İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 423 Hüküm no: 437 Orijinal metin no: [116b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. Mehmed’in Rus asıllı câriyesi Şahbaz bt. Abdülvehhâb’ı azat ettiği Vilâyet-i Anadolu’da medîne-i İznikmid’de Ruslar mahallesi sâkinelerinden olup mahmiye-i mezbûrede Harâccı Muhyiddin mahallesinde misâfireten sâkine olan Raziye bt. Mehmed nâm hâtun zâtı ma‘rifet-i şer‘iyye ile ârifân li ebeveyn karındaşı Şeyh Ömer Efendi ve Mustafa Efendi b. Hüseyin nâm kimesneler ta‘rîfleri ile mu‘arrefe oldukdan sonra meclis-i şer‘-i şerîfde ikrâr ve takrîr-i kelâm edip bana rıkkını mu‘terife olan işbu orta boylu açık kaşlı gök ala gözlü Rûsiyyetü’l-asl bâ‘isetü hâze’l-kitâb Şahbaz bt. Abdülvahhab nâm câriye-i memlûkemi hasbeten lillâhi’l-meliki’l-Hallâk ve taleben li merzâti’r-rabbi’r-Rezzâk malımdan tahrîr ve i‘tâk ve zümre-i harâir-i asliyeye idrâc ve ilhâk eyledim ba‘de’l-yevm mevsûfe-i mezbûre sâir harâir-i asliyye gibi hürre olup üzerinde velâ-i şer‘îden gayrı hakkım bâkī kalmadı dedikde mâ vaka‘a bi’t-taleb ketb olundu. Fî selh-i şehri Rebî‘ilevvel li sene seb‘a ve semânîn ve elf. Şuhûdü’l-hâl: El-Hâc Sinan b. Mustafa, Hüseyin b. Mustafa, Mahmud Çelebi b. İsmail, Mustafa b. Mehmed ve gayruhüm mine’l-hâzırîn.