İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 432 Hüküm no: 450 Orijinal metin no: [120a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seydî Çavuş ve Muhsine Hâtun vakıflarının nâzırlığına Şeyh İsa Efendi b. Ali’nin tayin olunduğu Mahmiye-i İstanbul’da Seydî Çavuş ve Muhsine Hâtun vakıflarının nâzırı olmamağla, taraf-ı şer‘den vakfeyn-i mezbûreyne bir nâzır nasb ve ta‘yîn olunmak ehem ve elzem ve vâkıfe-i mezbûrenin zâviyesinde zâviyedâr olan fahrü’l-etkıyâ zahrü’l-asfiyâ râfi‘-i hâze’l-kitâb eş-Şeyh İsâ Efendi b. Ali her vechile nezâret uhdesinden gelmeğe kemâ yenbağī kādir olmağın mûmâ-ileyh eş-Şeyh İsâ Efendi vakfeyn-i mezbûreyne taraf-ı şer‘den hasbî nâzır nasb olundukda ol dahi nezâret-i merkūmeyi kabûl ve hizmet-i lâzımesin edâya ta‘ahhüd etmeğin mâ vaka‘a bi’t-taleb ketb olundu. Fî selhi Rebî‘ilevvel li sene seb‘a ve semânîn ve elf. Şuhûdü’l-hâl: El-Hâc Kemaleddin Çelebi b. Müyesser, el-Hâc Hüseyin b. Üveys, el-Hâc Mehmed b. Ali, el-Hâc Mehmed b. Receb, el-Hâc (…), Musa Çelebi b. Receb ve gayruhüm.