İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 432 Hüküm no: 451 Orijinal metin no: [120b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Mustafa’nın Mehmed Çelebi b. Ahmed’den muhâla‘a yoluyla boşandığı Mahmiye-i İstanbul’da Dülgerzâde mahallesi sâkinelerinden Hatice bt. Mustafa nâm hâtun meclis-i şer‘-i şerîf-i lâzımü’t-teşrîfde, zevc-i dâhili bâ‘is-i hâze’l-kitâb Mehmed Çelebi b. Ahmed nâm kimesne mahzarında ikrâr ve takrîr-i kelâm edip zevcim mezbûr Mehmed Çelebi zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Mehmed Çelebi ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûru kabûl eyledikden sonra hukūk-ı zevciyyete müte‘allika de‘âvîden her birimiz âharın zimmetini ibrâ-i âmm-i sahîh-i kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Şuhûdü’l-hâl: Ali Beşe b. Bâli, Ebûbekir b. Hüseyin, Ali Beşe b. Şaban, el-Hâc Ahmed b. Mustafa, Mahmud b. Ömer, Osman Beşe b. Ömer, Muharrem b. ( ), gayru[hüm].