İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 439 Hüküm no: 458 Orijinal metin no: [123a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. Mehmed Çavuş’un Bahârî Mehmed b. Davud’dan muhâla‘a yoluyla boşandığı Mahmiye-i İstanbul’da Kurt Ağa Çeşmesi mahallesinde sâkine Raziye bt. Mehmed Çavuş nâm hâtun meclis-i şer‘-i şerîfde zevc-i muhâlı‘ı bâ‘is-i hâze’l-kitâb Bahârî Mehmed b. Davud nâm kimesne mahzarında ikrâr ve takrîr-i kelâm edip zevcim mezbûr Bahârî Mehmed zimmetinde mütekarrir ve ma‘kūdun-aleyh mehr-i müeccelim olan iki bin akçe ile nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Bahârî Mehmed ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettiğinden sonra hukūk-ı zevciyyete müte‘allika de‘âvîden her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis aşere min Saferi’l-hayr li sene seb‘a ve semânîn ve elf. Şuhûdü’l-hâl: Es-Seyyid Muharrem Efendi el-kâtib, Musa Efendi b. ( ), İbrahim Çelebi b. Ahmed, Ali b. Abdullah ve gayruhüm mine’l-hâzırûn.