İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 445 Hüküm no: 468 Orijinal metin no: [125b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mustafa’nın oğlu Mustafa’nın vasîsi üzerine validesi Timurhan bt. Abdullah’ın nâzır tayin edildiği Mahmiye-i İstanbul’da Çukur mahallesi sâkinlerinden iken bundan akdem vefât eden el-Hâc Mustafa’nın sagīr oğlu Mustafa’nın vasîsi üzerine kıbel-i şer‘den nâzır nasb ve ta‘yîn olunmak ehem ve elzem ve mahalle-i mezbûre sâkinlerinden Ahmed Bey b. Veli ve Şaban b. Abdullah nâm kimesneler ma‘rifetleriyle mu‘arrefe olan sagīr-i mezbûrun vâlidesi Timurhan bt. Abdullah nâm hâtun müstakīme ve her vech ile nezâret-i mezbûre uhdesinden gelmeğe kādire olmağın mezbûre Timurhan oğlu sagīr-i mezbûr Mustafa’nın vasîsi üzerine taraf-ı şer‘den nâzır nasb ve ta‘yîn olundukda ol dahi nezâret-i mezbûreyi kabûl ve merâsimini edâya ta‘ahhüd olmağın mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min şehri Rebî‘ilevvel li sene seb‘a ve semânîn ve elf. Şuhûdü’l-hâl: Mehmed Çelebi b. el-Hâc Yusuf.