İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 461 Hüküm no: 488 Orijinal metin no: [131(2)a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Ali b. Eyyûb’un Mustafa Beşe b. Mehmed’e borçlu olduğu Mahmiye-i İstanbul’da Fenâyî Dede mahallesinde sâkin bâ‘is-i hâze’l-vesîka Mustafa Beşe b. Mehmed nâm kimesne meclis-i şer‘-i şerîfde Seyyid Ali b. Eyyûb mahzarında üzerine da‘vâ ve takrîr-i kelâm edip mezbûr Seyyid Ali zimmetinde bundan akdem yedimden müşterâ ve makbûz bir sîm gaddâre bahâsından otuz esedî guruş hakkım olmağla suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr Seyyid Ali cevâbında müdde‘î-i mezbûra mârrü’z-zikr gaddâre bahâsından zimmetinde otuz esedî guruş deyni olduğunu ikrâr, lâkin müdde‘î-i mezbûra ber vech-i muharrer deynim olan meblağ-ı mezbûrun on üç esedî guruşunu bundan akdem kendiye edâ ve teslîm ol dahi ahz u kabz etmiş idi deyû def‘le mukābele edicek isre’l-istintâk ve’l-inkâr mezbûr Seyyid Ali’den def‘-i mezbûrunu mübeyyine beyyine taleb olundukda ityân-ı beyyineden izhâr-ı acz edip istihlâf etmeğin fi’l-hakīka meblağ-ı mezbûr otuz esedî guruşun on üç esedî guruşunu mezbûr Seyyid Ali’den ahz ve istîfâ etmediğine müdde‘î-i mezbûra yemîn teklîf olundukda ol dahi hasbe’l-mes’ûl yemîn billâhi te‘alâ etmeğin mûcebince meblağ-ı mezbûr otuz esedî guruşunu müdde‘î-i mezbûra edâ ve teslîme merkūm Seyyid Ali’ye tenbîh olunmağın mâ vaka‘a bi’t-taleb ketb olundu. Fi’l-yevmi’l-hâmis min şehri Rebî‘ilâhir li sene seb‘a ve semânîn ve elf. Şuhûdü’l-hâl: Mehmed Efendi b. Mehmed, İbrahim Çelebi b. Ahmed, Veli Beşe b. ( ) el-Muhzır, Mehmed Ağa kethüdâ-yı muhzırân ve gayruhüm.