İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 476 Hüküm no: 506 Orijinal metin no: [137b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Abdullah’ın Kaya b. Mahmud’dan muhâla‘a yoluyla boşandığı Mahmiye-i İstanbul’da Kethüdâ Hâtun mahallesi sâkinelerinden Ayşe bt. Abdullah nâm hâtun meclis-i şer‘-i şerîfde zevc-i dâhili bâ‘is-i hâze’l-kitâb Kaya b. Mahmud nâm kimesne mahzarında ikrâr ve takrîr-i kelâm edip mezbûr Kaya zimmetinde mütekarrir ve ma‘kūdun-aleyh mehr-i müeccelim olan beş yüz akçe ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Kaya ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettikden sonra hukūk-ı zevciyyete müte‘allika âmme-i da‘vâ[da]n her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî aşere min şehri Rebî‘ilâhir li sene seb‘a ve semânîn ve elf. Şuhûdü’l-hâl: İbrahim Çelebi b. Ahmed, Mehmed b. Mehmed, el-Hâc Ali el-münâdî, Mustafa b. Hüseyin, Mahmud Çelebi Du‘âcı, Hüseyin b. Mecnun ve gayruhüm.