İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 482 Hüküm no: 514 Orijinal metin no: [140a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmügülsüm Vakfı’nın İstadola bt. Menteş’teki alacağını mütevellisi Mehmed Beşe’nin tahsil ettiği Sâhibetü’l-hayrâ[t] Ümmügülsüm nâm hâtunun vakfına hâlâ mütevellî olan Mehmed Beşe b. Mehmed nâm kimesne meclis-i şer‘-i şerîfde bâ‘is-i hâze’s-sifr İstadola bt. Menteş nâm yahudi’ye muvâcehesinde bi’t-tevliyye ikrâr ve takrîr-i kelâm edip mezbûre İstadola’nın vakf-ı mezbûra zimmetinde vâcibü’l-edâ iki yüz guruş deyni olmağla mezbûre İstedala meblağ-ı mezbûrun yüz elli beş guruşu[nu] bana edâ ve teslîm ben dahi yedinden ahz u kabz eylediğimden sonra kırk beş guruşu mukāta‘asından dahi iki zirâ‘ al üzerine çukasını bana def‘ ve teslîm ben dahi yedinden ahz u kabz eyledim ba‘de’l-yevm mâl-ı vakf-ı mezbûrdan mezbûre İstadola zimmetinde bir akçe ve bir habbe bâkī kalmadı dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’l-hâdî aşer min şehri Rebî‘ilâhir li sene seb‘a ve semânîn ve elf. Şuhûdü’l-hâl: Mehmed Efendi b. Ramazan, Mustafa b. Şaban, Abdullah Çelebi b. Ahmed, Receb Çelebi b. Osman, İsmail b. Mustafa, Süleyman Beşe el-Mübâşir.