İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 564 Hüküm no: 615 Orijinal metin no: [176a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sinan v. Murad’ın ev davasında Bedros v. Vak’ın zimmetini ibrâ ettiği Mahmiye-i İstanbul’da Langa kurbunda Tülbentçi Hüsam mahallesinde sâkin Sinan v. Murat nâm zimmî meclis-i şer‘-i şerîfde bâ‘isü’s-sifr Bedros v. Vak nâm zimmî muvâcehesinde ikrâr-ı tâm ve takrîr-i kelâm edip mukaddemâ mezbûr Bedros sâkin olduğu vakıf menzile müte‘allika da‘vâ ve münâza‘âtım sudûr etmiş idi hâlâ menzil-i mezbûra müte‘allika ve sâir hukūk-ı ma‘lûme ve mechûleden târih-i kitâba gelince mezbûr Bedros’un zimmetini ibrâ-i âmm-ı râfi‘ü’n-nizâ‘ ve’l-hısâm ile ibrâ ve iskāt edip ba‘de’l-yevm eğer benden bir âhar husûsa müte‘allika bir da‘vâ sudûr ederse lede’l-hükkâmi’l-kirâm mesmû‘a olmasın dedikde mezbûr Bedros merkūm Sinan’ı kelimât-ı meşrûha-[176b] sında tasdîk ve tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min Rebî‘ilâhir li sene seb‘a ve semânîn ve elf. Şuhûdü’l-hâl: Osman b. Ömer, Abdullah b. Ahmed, İbrahim Çelebi b. Ahmed, Hasan b. Ahmed ve gayruhüm.