İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 598 Hüküm no: 655 Orijinal metin no: [189b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi b. Abdi’nin Bezzâzistânî Mehmed Çelebi b. Mustafa’ya borcu olduğu Mahmiye-i İstanbul’da Hasan Paşa mahallesi sâkinlerinden Mehmed Efendi b. Abdi nâm kimesne meclis-i şer‘-i hatîr-i lâzımü’t-tevkīrde bâ‘is-i hâze’l-kitâb Bezzâzistânî Mehmed Çelebi b. Mustafa nâm kimesne mahzarında ikrâr ve takrîr-i kelâm edip semeni târih-i kitâbdan sene tamâmına değin müeccel olmak üzre mezbûr Mehmed Çelebi yedinde mülkü olan benefşe çukaya bir sırt samur kürkünü dört yüz doksan guruşa bana bey‘ ve teslîm ben dahi ber vech-i muharrer iştirâ ve tesellüm etmekle semen-i müeccel-i mezbûr dört yüz doksan esedî guruş zimmeti[mde] mezbûr Mehmed Çelebi’ye vâcibü’l-edâ ve lâzımü’l-kazâ deynimdir dedikde gıbbe’t-tasdîki’ş-şer‘î mâ vaka‘a bi’t-taleb ketb [190a] olundu. Fi’l-yevmi’s-sâlis min Cemâziyelevvel li sene seb‘a ve semânîn ve elf. Şuhûdü’l-hâl: Sâbıkan İskenderiye kadısı Fahrü’l-kuzât Mehmed Efendi, Fahrü’l-eşbâh Ebûbekir Ağa oda 60, Fahrü’l-akrân el-Hâc Mehmed oda 60, el-Hâc Mustafa b. ( ) 16 bölük, Mustafa Çelebi el-Yesârî, Mustafa Çelebi Sofcuzâde, Muharrem b. Mehmed, Yakub Çelebi el-kâtib der oda 60, Mustafa Çelebi b. ( ) el-Kâtib, İbrahim Çelebi b. Mehmed, Osman b. Ömer ve gayruhüm.