İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 55 Hüküm no: 5 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müftü Çelebi mahallesinden Ayşe bt. Hüseyin’in Osman Çelebi b. Mehmed’den boşanması Mahmiye-i İstanbul’da Müftü Çelebi mahallesi sâkinlerinden olup zâtı ma‘rifet-i şer‘iyye ile ârifân Hüseyin Çelebi b. Veli ve Mehmed b. Ali nâm kimesneler ta‘rîfleriyle mu‘arrefe olan Âişe bt. Hüseyin nâm hatun meclis-i şer‘-i şerîf-i enverde zevc-i dâhili bâ‘is-i hâze’l-kitâb Osman Çelebi b. Mehmed mahzarında ikrâr ve takrîr-i kelâm edip zevcim mezbûr Osman Çelebi zimmetinde mütekarrir ve ma‘kūdün-aleyh olan beş yüz akçe mehr-i müeccelim ve nafaka-i iddet-i ma‘lûme üzerlerine ve me’ûnet-i süknâm dahi kendi üzerime olmak üzere zevcim mezbûr Osman Çelebi ile muhâla‘a-i sahiha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra hukuk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fi’l-yevmi’s-sâmin aşer min-Zilhicce. Şuhûdü’l-hâl: El-Hâc Abdi b. Mahmud, İbrahim Çelebi b. Bâli, Hüseyin b. Mustafa, Mehmed b. Ali.