İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 60 Hüküm no: 13 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mimar Şucâ‘ mahallesinde Ümniye bt. Abdullah’ın vakfettiği evin Mehmed Çelebi’den alınarak el-Hac Abdullah b. Mehmed’e verilmesi Merhûme Ümniye bt. Abdullah nâm sâhibü’l-hayrın süknâsı bir [re]cül-i sâliha meşrûta vakfı olup mahmiye-i İstanbul’da Mimâr Şucâ‘ mahallesinde vâki‘ iki tarafdan Mazak Ahmed Ağa bahçesi ve bir tarafdan el-Hâc Mehmed bahçesi ve bir tarafdan tarîk-i âm ile mahdûd iki bâb tahtânî oda ve bir sofa ve dehlîz ve kenîfi müştemil menzilin hâlâ mutasarrıfı olan Mehmed Çelebi b. ( ) süknâya ihtiyâcı olmamağla menzil-i mezbûru hilâf-ı şart-ı vâkıf nice seneden beri âhara icâreye vermekle mezbûr Mehmed Çelebi ref‘ olunup menzil-i mezbûrun süknâsı ber-mûceb-i şart-ı vâkıf el-Hâc Abdullah b. Mehmed’e mahal ve müstahak olmağla kıbel-i şer‘den tevcîh olunup tasarrufu için işbu vesîka-i enîka ketb olunup yedine def‘ ve i‘tâ olundu. Fi’l-yevmi’s-sânî min-Zilhicceti’ş-şerîfe li-sene tis‘a ve tis‘în ve elf. Şuhûdü’l-hâl: Receb Efendi b. Himmet, Mehmed Efendi b. Ahmed, Mehmed Efendi b. Mehmed, el-Hâc Süleyman b. Çukadâr, Mustafa Çelebi Kethudâ-yı muhzırân.