İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 62 Hüküm no: 16 Orijinal metin no: [4b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukurçeşme mahallesinden Fatma bt. Mustafa’nın kendisini boşayan el-Hac Musa b. el-Hac Ahmed’den mehir ve nafakasını aldığı Mahmiye-i İstanbul’da Çukurçeşme mahallesi sâkinelerinden Fâtıma bt. Mustafa nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde zevc-i dâhili râfi‘-ı hâze’l-kitâb el-Hâc Musa b. el-Hâc Ahmed mahzarında ikrâr-ı tâm ve takrîr-i kelâm edip zevcim mezbûr el-Hâc Musa târih-i kitâb günü bâyinen tatlîk etmekle zimmetinde mütekarrir ve ma‘kūdün-aleyh olan bin üç yüz akçe mehr-i müeccelim ve nafaka-i iddet-i mu‘ayyenem ve me’ûnet-i süknâm için bi’t-terâzî ta‘yîn olunan dört yüz akçe ki min haysü’l-mecmû‘ bin yedi yüz akçe hakkımı zevcim mezbûr el-Hâc Musa bana def‘ ve teslîm, ben dahi yedinden tamâmen ahz u kabz edip hukuk-ı zevciyyete müte‘allika âmme-i da‘vâ ve zevc-i mezbûrun zimmetini ibrâ-i âmm-ı kātı‘ü’n-nizâ‘la ibrâ ve ıskāt eyledim dedikde gıbbe’t-tasdîk mâ-vaka‘a bi’t-taleb ketb olundu. Fi’l-yevmi’s-sâbi‘ aşer min Zilhiccceti’ş-şerîfe. Şuhûdü’l-hâl: İbrahim Çelebi b. Ahmed, Süleyman Çelebi b. Receb, Ali b. Bâli ve gayruhüm.