İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 68 Hüküm no: 25 Orijinal metin no: [6b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Yusuf’un Rus asıllı cariyesi Fethi bt. Abdullah’ı azat etmesi Mahmiye-i İstanbul’da Zincirlikuyu kurbünde Ali Paşa-yı Atîk mahallesinde sâkine Fâtıma bt. Yusuf ba‘de’t-ta‘rîfi’ş-şer‘î meclis-i şer‘-i şerîf-i enverde ikrâr ve takrîr-i kelâm edip bana rıkkını mu‘terife olan işbu orta boylu açık kaşlı sarı elâ gözlü Rusiyyetü’l-asl Fethi bt. Abdullah nâm câriye-i memlûkumu hasbeten lillâhi’l-meliki’l-hallâk mâlımdan tahrîr ve i‘tâk ve zümre-i harâir-i asliyyâta idrâc ve ilhâk eyledim, ba‘de’l-yevm mevsûf-ı mezbûre Fethi sâir harâir-i asliyyât gibi hürre olup üzerinde velâ-yı şer‘îden gayrı hakkım kalmadı dedikde mâ-hüve’l-vâkı‘ bi’t-taleb ketb olundu. Fi’l-yevmi’l-hâdî ve’l-ışrîn min-Zilhicce li-sene tis‘a ve tis‘în ve elf. Şuhûdü’l-hâl: Mustafa Çelebi kethudâ-yı muhzırân, İbrahim Çelebi b. el-Hâc Ahmed, Mustafa Çelebi b. ( ), Hüseyin Çelebi b. Mehmed.