İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 71 Hüküm no: 29 Orijinal metin no: [7b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun bt. Abdülkadir’in cariyesi Mücella bt. Abdullah’ı azat etmesi Mahmiye-i İstanbul’da Koğacı Dede mahallesinde sâkine Havvâ Hatun bt. Abdülkadir tarafından husûs-ı âti’l-beyâna vekîl olduğu zâtını ma‘rifet-i şer‘iyye ile ârifân Ali b. Şaban ve Mustafa b. Şaban nâm kimesneler şehâdetleriyle şer‘an sâbit olan Bedrimah bt. Abdullah nâm hatun meclis-i şer‘-i şerîf-i enverde işbu orta boylu açık kaşlı kara gözlü Kürdiyyetü’l-asl hâmiletü’l-kitâb Mücella bt. Abdullah mahzarında bi’l-vekâle ikrâr ve takrîr-i kelâm edip müvekkile-i mezbûre Havvâ Hatun bundan akdem vefât eden vâlidesi Ümmühânî nâm hâtûndan irs-i şer‘iyye ile isâbet ve intikāl eden mevsûfa-i mezbûre Mücella’yı târih-i kitâbdan iki sene mukaddem mâlından tahrîr ve i‘tâk ve dıyk-ı rıkkıyyetden ıtlâk ve zümre-i harâir-i asliyyâta idrâc ve ilhâk olunmuşdu, mevsûf-ı merkūme târih-i mezbûrdan berü sâir harâir-i asliyyât gibi hürre olup üzerinde şer‘an sâbit olan velâdan gayrı hakkı kal[ma]mışdır dedikde mâ-vaka‘a bi’t-taleb ketb olundu. Fi’l-yevmi’s-sânî ve’l-ışrîn min-Zilhicce li-sene tis‘a ve tis‘în ve elf. Şuhûdü’l-hâl: İbrahim Efendi b. Mehmed, İbrahim Çelebi, Ebûbekir [bin] Hüseyin.