İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 74 Hüküm no: 35 Orijinal metin no: [8b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saide Hatun bt. Menteşizâde İbrahim Efendi’nin cariyesi Timurhan bt. Abdullah’ı azat etmiş olduğu Mahmiye-i İstanbul’da Zincirlikuyu kurbünde Ali Paşa-yı Atîk mahallesinde sâkin mefharü’l-müderrisîni’l-kirâm fazîletlü Abdurrahim Efendi b. Mehmed Efendi meclis-i şer‘-i şerîf-i enverde ikrâr-ı tâm ve takrîr-i kelâm edip vâlidem ve hasren mevrûsem olup bundan akdem vefât eden merhume Saide Hatun bt. el-merhûm Menteşizâde İbrahim Efendi hayâtında yedinde mülkü olan orta boylu, kara kaşlı, elâ gözlü Rusiyyetü’l-asl Timurhan bt. Abdullah nâm câriyesini hasbeten lillâhi’l-meliki’l-hallâk mâlından tahrîr ve i‘tâk ve zümre-i harâir-i asliyyâta idrâc ve ilhâk eyledi, hâlâ ben dahi verâsetim hasebiyle ıtk-ı mezbûru mücîz olmağın ba‘de’l-yevm mevsûf-ı mezbûre Timurhan sâir harâir-i asliyyât gibi hürre olup üzerinde velâ-yı şer‘îden gayrı hakkım kalmamışdır dedikde mâ-hüve’l-vâkı‘ bi’t-taleb ve’l-istîfâ ketb u imlâ olundu. Fi’l-yevmi’s-sâlis ve’l-ışrîn min-Zilhicceti’ş-şerîfe. Şuhûdü’l-hâl: Fahrü’l-eşbâh Mehmed Efendi, İbrahim Efendi, Hüseyin Efendi, Mehmed Çelebi el-Müezzin, Receb Çelebi b. Mahmud.