İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 88 Hüküm no: 56 Orijinal metin no: [13a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan bt. Şaban’ın mehir ve nafakasını alarak Seyyid Veli Çelebi b. es-Seyyid Resul’den boşanması Dârü’l-hilâfeti’l-aliyyeti’l-Osmâniye Kostantıniyyetü’l-mahmiye -suyyinet ani’l-âfât ve’l-beliyye- mahallâtından el-Hâce Hatun mahallesi sâkinelerinden İsmihan bt. Şaban nâm hatun ba‘de’t-ta‘rîfi’ş-şer‘î meclis-i şer‘-i şerîf-i âlîde zevc-i dâhili işbu sâhibü’l-kitâb es-Seyyid Veli Çelebi b. es-Seyyid Resul nâm kimesne mahzarında bi-tav‘ihâ ikrâr ve i‘tirâf edip mezbûr es-Seyyid Veli zevcim olup beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh iki bin beş yüz akçe mehr-i müeccelim ve nafaka-i mu‘ayyenem üzerlerine ve me’ûnet-i süknâm dahi kendi üzerime olmak üzere zevcim mezbûr es-Seyyid Veli ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra hukuk-ı zevciyyete müte‘allika âmme-i da‘vâdan zevcim mezbûrun zimmetini ibrâ-i âmm-ı râfi‘ü’l-hısâm ile ibrâ ve ıskāt eyledim dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fi’l-yevmi’s-sâmin min-Zilhicce li-sene tis‘a ve tis‘în ve elf. Şuhûdü’l-hâl: Ebûbekir b. Hüseyin, Hüseyin b. Mustafa, Abdurrahman b. el-Hâc Abdullah, Nasuh b. Osman.