İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 103 Hüküm no: 79 Orijinal metin no: [17b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş b. Süleyman’ın kölesi Siyavuş b. Abdullah’ı azat etmesi Mahmiye-i İstanbul’da Akşemseddin mahallesinde sâkin Mehmed Çavuş b. Süleyman meclis-i şer‘-i şerîf-i enverde işbu orta boylu, sarı, elâ gözlü, açık kaşlı Gürciyü’l-asl hâfız-i hâze’l-kitâb Siyavuş b. Abdullah nâm abd-i memlûku mahzarında bi-tav‘ihî ikrâr ve takrîr-i kelâm edip bundan akdem mevsûf-ı mezbûru altmış esedî guruşu mevsûf-ı mezbûr Siyavuş yedinden tamâmen ahz u kabz eyledim, ba‘de’l-yevm mevsûf-ı mezbûr sâir ahrâr-ı asliyyîn gibi hür olup üzerinde hakk-ı velâdan gayrı hakkım kalmadı dedikde mevsûf-ı mezbûr Siyavuş dahi merkūm Mehmed Çavuş’un cemî‘ kelimât-ı meşrûhunu vicâhen tasdîk ve şifâhen tahkīk eylemeğin mâ-hüve’l-vâkı‘ bi’t-taleb ketb olundu. Fî gurreti Muharremi’l-harâm li-sene mi’e ve elf. Şuhûdü’l-hâl: Mahmud b. ( ), Şahin b. Abdullah, Yusuf b. Abdullah, Mehmed b. İdris.