İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 104 Hüküm no: 81 Orijinal metin no: [18a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Sino v. Yani’nin kaynatası Yani v. Niko’ya olan borcunu tecil etmesi Mahrûse-i Galata’ya tâbi‘ Ortaköy’de sâkin ekmek tabbâhı olan Sino v. Yani nâm zimmî meclis-i şer‘-i şerîf-i enverde mahmiye-i İstanbul’da Ayazma Kapısı kurbünde sâkin kāyınatası Yani v. Niko muvâcehesinde ikrâr ve takrîr-i kelâm [edip] bundan akdem kāyınatam mezbûr Yani yedinden istikrâz ve kabz ve tesellüm eylediğim zimmetimde edâsı lâzım yetmiş guruşu hâlâ edâya iktidârım olmayıp te’cîle tâlib olduğumda kāyınatam mezbûr Yani meblağ-ı mezbûr yetmiş guruşu târih-i kitâbdan üç yüz altmış gün tamâmına değin te’cîl etmekle meblağ-ı mezbûr ber-vech-i muharrer ve mü’eccel kāyınatam mezbûr Yani’ye zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fi’l-yevmi’s-sâmin min-Muharremi’l-harâm li-sene mi’e ve elf.