İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 109 Hüküm no: 89 Orijinal metin no: [19b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Mustafa’nın mehir ve nafakasını alarak kocası Ali Çavuş b. Ali’den boşanması Mahmiye-i İstanbul’da Tercüman Yunus mahallesi sâkinelerinden olup zâtını ma‘rifet-i şer‘iyye ile ârifân Ahmed Çelebi b. Mustafa ve es-Seyyid Halil Çelebi b. Mustafa ta‘rîfleriyle mu‘arrefe olan Ümmügülsüm bt. Mustafa nâm hatun meclis-i şer‘-i şerîf-i enverde zevc-i muhâli‘i işbu râfi‘ü’l-kitâb Ali Çavuş b. Ali nâm kimesne mahzarında ikrâr-ı tâm ve takrîr-i kelâm edip mezbûr Ali Çavuş zimmetinde mütekarrir ve ma‘kūdün-aleyh olan bin iki yüz akçe mehr-i müeccelim ve nafaka-i iddetim üzerlerine ve me’ûnet-i süknâm dahi kendi üzerime olmak üzere zevcim mezbûr Ali Çavuş ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru ba‘de’l-kabûl hukuk-ı zevciyyete ve sâire müte‘allika âmme-i da‘vâdan herbirimiz âharın zimmetini ibrâ-i âmm-ı kātı‘ü’n-nizâ‘la ibrâ ve ıskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis mine’l-Muharremi’l-harâm li-sene mi’e ve elf. Şuhûdü’l-hâl: ( )