İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 111 Hüküm no: 92 Orijinal metin no: [20a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mustafa Çelebi b. Abdünnebi’nin Seyyid Abdurrahman Efendi b. İbrahim Efendi’deki alacaklarının tahsilini istemesi Mahmiye-i İstanbul’da Fethiye Câmi‘-i şerîfi kurbünde sâkin işbu bâ‘isü’l-kitâb Berber Mustafa Çelebi b. Abdünnebi mahfil-i kazâ-i lâzımü’r-rızâ es-Seyyid Abdurrahman Efendi b. İbrahim Efendi mahzarında üzerine da‘vâ ve takrîr-i kelâm edip mezbûr es-Seyyid Abdurrahman Efendi zimmetinde işbu İbrahim Çelebi nâm kimesnenin icâresiyle on guruş ve Çukadâr İsmail Beşe’ye karz-ı şer‘iyyeden olup emriyle ben kefîl ve edâ eylediğim yüz on guruş ki cem‘an yüz yirmi guruş hakkım olup edâdan imtinâ‘ eder, suâl olunup alıverilmesi matlûbumdur dedikde gıbbe’s-suâl mezbûr es-Seyyid Abdurrahman Efendi cevâbında bâlâda tafsîl olunan minvâl üzere müdde‘î-i mezbûra yüz yirmi guruş lâzımü’l-edâ deyni olduğunu tav‘an ikrâr u i‘tirâf etmeğin alâ mûceb-i i‘tirâfihî meblağ-ı mezbûr yüz yirmi guruşu müdde‘î-i mezbûra edâ ve teslîme mezkûra ba‘de tenbîh mâ-vaka‘a bi’t-taleb ketb olundu. Fi’l-yevmi’s-sâlis min-Muharremi’l-harâm li-sene mi’e ve elf. Şuhûdü’l-hâl: es-Seyyid Mehmed Çavuş el-Mübâşir, İbrahim Çelebi b. Mehmed, Mustafa Çelebi b. ( ) ve gayruhüm.