İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 115 Hüküm no: 97 Orijinal metin no: [21a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi b. el-Hac Hüseyin’in kardeşi Osman Çavuş’daki alacağını alarak zimmetini ibra etmesi Mahmiye-i İstanbul’da Aksaray’da Koğacı Dede mahallesinde sâkin Ahmed Çelebi b. el-Hâc Hüseyin meclis-i şer‘-i şerîf-i lâzımü’t-tevkīrde li-ebevyen karındaşı bâ‘isü’l-kitâb Osman Çavuş mahzarında bi’t-tav‘i’s-sâf ikrâr-ı tâm ve takrîr-i kelâm edip babamız mezkûr el-Hâc Hüseyin fevt olup verâseti ikimize munhasıra olmağla metrûkâtı bi’l-farziyyeti’ş-şer‘iyye beynimizde iktisâm ve herbirimiz hisse-i irsiyyemizi kabz edip ba‘de külli’l-hesâb hissemden karındaşım mezkûr el-Hâc Osman zimmetinde on guruş hakkım kalmışdı. El-hâletü hâzihî meblağ-ı mezbûr on guruşu tamâmen alıp kabz edip müteveffâ-yı mezbûrun terekesine müte‘allika âmme-i da‘vâdan mezbûr Osman Çavuş’u ibrâ-i âm ile ibrâ eyledim, min ba‘d da‘vâ ve nizâ‘ımız kalmamışdır dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî gurreti Muharremi’l-harâm li-sene mi’e ve elf. Şuhûdü’l-hâl: İbrahim Efendi b. Mehmed, el-Hâc Hüseyin b. Fazlullah, Ömer Efendi b. Ahmed, Mehmed Efendi b. Ahmed, Bâzirgân el-Hâc Osman, Hammâmî el-Hâc Ali.