İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 116 Hüküm no: 99 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Efendi’nin rızasıyla bıraktığı vakıf evin ulemadan Mustafa Efendi b. el-Hac Mustafa’ya verilmesi Merhûm ( ) nâm sâhibü’l-hayrın süknâsı ulemâya meşrûta vakfı olup mahmiye-i İstanbul’da Seydî Ömer mahallesinde vâki‘ iki tarafdan Hüsam Efendi vakfı ve bir tarafdan müezzin mülkü ve bir tarafdan tarîk-i âm ile mahdûd tahtânî iki oda ve bir su kuyusu ve tahmînen yirmi zirâ‘ bahçeli menzilin tevcîh-i hâkimü’ş-şer‘le mutasarrıfı olan Ahmed Efendi hüsn-i ihtiyârıyla kasr-ı yed etmekle ve ulemâdan işbu bâ‘isü’l-kitâb Mustafa Efendi b. el-Hâc Mustafa her vechile mahal ve müstahak ve süknâya muhtâc olmağla süknâ-yı menzil-i mezkûr mezbûr Mustafa Efendi’ye kıbel-i şer‘den tevcîh olunup tasarrufu için işbu vesîka-i enîka ketb ve terkīm olunup yedine i‘tâ olundu. Fî evâhiri Zilhicceti’ş-şerîfe li-sene tis‘a ve tis‘în ve elf. Şuhûdü’l-hâl: Mehmed Efendi b. Mehmed, İbrahim Ağa, Ahmed Ağa, Durmuş Beşe ve gayruhüm.