İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 116 Hüküm no: 100 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. el-Hac Yusuf’un mehir ve nafakasını alarak kocası Yusuf Çelebi b. Abdullah’dan boşanması Mahmiye-i İstanbul’da Deniz Abdal mahallesinde sâkinelerinden Fâtıma bt. el-Hâc Yusuf nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde zevc-i dâhili bâ‘is-i hâze’l-kitâb Yusuf Çelebi b. Abdullah nâm kimesne mahzarında ikrâr ve takrîr-i kelâm edip mezbûr Yusuf zevcim olup beynimizde hüsn-i mu‘âşeret olmamağla zimmetinde mütekarrir ve ma‘kūdün-aleyh olan dört bin sekiz yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Yusuf ile muhâla‘a-i sahîha-i şer‘iyye ile muhâla‘a edip ol dahi ber-vech-i muharrer hul‘-ı mezbûru kabûl eylediğinden sonra hukuk-ı zevciyyete müte‘allika âmme-i da‘vâdan zevcim mezbûr Yusuf’un zimmetini ibrâ-i âmm-ı râfi‘ü’l-hısâm ile ibrâ ve ıskāt eyledim dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fi’l-yevmi’l-hâmis mine’l-Muharremi’l-harâm li-sene mi’e ve elf. Şuhûdü’l-hâl: Şaban b. Abdurrahman, Receb Çelebi b. Mehmed, İbrahim Çelebi b. ( ), Mehmed b. Ahmed, Ali b. Bâli.