İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 119 Hüküm no: 104 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş b. Süleyman’ın kölesi Dilaver b. Abdullah’ı para karşılığı azat etmesi Mahmiye-i İstanbul’da Akşemseddin mahallesi sükkânından Mehmed Çavuş b. Süleyman nâm kimesne meclis-i şer‘-i şerîf-i enverde kendüye rıkkını i‘tirâf eden açık kaşlı, elâ gözlü, uzun boylu Macariyyü’l-asl hâmil-i hâze’l-kitâb Dilaver b. Abdullah nâm abd-i memlûku mahzarında ikrâr-ı tâm ve takrîr-i kelâm edip mezbûr Dilaver her sekiz gün tamâmında bana birer guruşdan târih-i kitâbdan dokuz yüz altmış gün tamâmına değin yüz yirmi guruş verip ba‘dehû sâir ahrâr-ı asliyyîn gibi hür olmak üzere kitâbete kat‘ eyledim dedikde mezbûr Dilaver dahi kitâbet-i mezbûreyi kabûl etmeğin mâ-vaka‘a bi’t-taleb ketb olundu. Fi’l-yevmi’r-râbi‘ mine’l-Muharremi’l-harâm li-sine mi’e ve elf. Şuhûdü’l-hâl: el-Hâc Mustafa b. Tevekkül, Yusuf Çelebi b. Mehmed, Yusuf b. Kethudâ, Kara Mehmed Kethudâ-yı sâbık, Mehmed Çelebi b. Ali.