İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 125 Hüküm no: 113 Orijinal metin no: [24a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihail v. Yorgi ile kızkardeşleri Tarinha ve Hırsafine’nin akrabalık iddiasıyla Palaşa bt. Narda’nın terekesine el koyan Asanaki v. Kostantin’den hisse istemeleri Mahmiye-i İstanbul’da Fenerkapısı kurbünde Abdi Subaşı mahallesinde sâkin Mihail v. Yorgi nâm zimmî ve li-ebeveyn kız karındaşları Tarinha ve Hırsafine nâm nasrâniyeler ba‘de’t-ta‘rîfi’ş-şer‘î meclis-i şer‘-i şerîf-i enverde mahalle-i mezbûrede sâkin iken bundan akdem hâlike olan Pelaşa bt. Narda nâm nasrâniyenin sadriye kızı olup kendiden mukaddem hâlike olan Seltane’nin sadriye-i sagīre kızı Elenye’nin babası ve velîsi olmağla hâlike-i mezbûre Pelaşa’nın terekesine vâzı‘u’l-yed olan işbu bâ‘isü’l-vesîka Asanaki v. Kostantin nâm zimmî muvâcehesinde üzerine her biri da‘vâ ve takrîr-i kelâm edip biz hâlike-i mezbûre Pelaşa’nın anası Angeline’nin li-üm karındaşları olup ve sagīre-i mezbûre Elenye ber-vech-i mübeyyen hâlike-i mezbûrenin kızının kızı olmağla cümlemiz zevi’l-erhâm kabîlinden olmağın hâlâ mezbûr Asanaki’ye suâl olunup hâlike-i mezbûrenin terekesinden bize âid olan hisse-i irsleri teslîme tenbîh olunmak matlûbumdur dediklerinde müdde‘ûn-ı merkūmûn Mihail ve Tarinha ve Hırsafine takrîr-i meşrûhları üzere mezbûr Mihail hâlik-i mezbûre Pelaşa’nın li-üm hâli ve mezbûretân Tarinha ve Hırsafine li-üm halaları olup kızının kızı mezbûre Elenye varken onlar dahi hirrmânla mahcûrlar olup vârisler [23b] olmamağla da‘vâları meşrû‘a olmayıp mezbûr Asanaki’ye şer‘an suâl dahi teveccüh etmemek mûcebince merkūmûn Mihail ve Tarinha ve Hırsafine vech-i meşrûh üzere bî-vech mu‘ârazadan men‘ olunup mâ-vaka‘a bi’t-taleb ketb ve imlâ olundu. Fi’l-yevmi’s-sâdis aşer mine’l-Muharremi’l-harâm li-sene mi’e ve elf. Şuhûdü’l-hâl: Ahmed Efendi b. el-Hâc Mustafa, Mustafa Çavuş b. ( ) el-Mübâşir, İbrahim Çelebi b. Ahmed, el-Hâc Mustafa b. Tevekkül, Ebûbekir b. Hüseyin.