İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 126 Hüküm no: 115 Orijinal metin no: [24b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müderris Mehmed Efendi b. İsmail’in kölesi Ömer b. Abdullah’ı azat etmesi Mahmiye-i İstanbul’da Beyceğiz mahallesinde sâkin fahrü’l-müderrisîni’l-kirâm Mehmed Efendi b. İsmail nâm kimesne mahfil-i kazâda bâ‘is-i hâze’l-kitâb Ömer b. Abdullah nâm kimesne mahzarında ikrâr ve takrîr-i kelâm edip abd-i memlûkum gulâm-ı mevsûf-ı mezkûr Ömer târih-i kitâbdan beş sene tamâmına değin bana hizmet edip ba‘dehû âzâd olmak üzere kitâbete kat‘ eylediğimde ol dahi minvâl-i muharrer üzere kitâbet-i mezbûreyi kabûl eyleyip ber-vech-i muharrer edâ-i hizmet eylediğinden sonra sâir ahrâr-ı asliyyîn gibi hür olsun dedikde gıbbe’t-tasdîki’ş-şer‘î mâ-vaka‘a bi’t-taleb ketb ve terkīm olundu. Fi’l-yevmi’l-ışrîn min-Cemâziyelâhir li-sene hamse ve tis‘în ve elf. Şuhûdü’l-hâl: Mustafa Efendi el-İmâm, Mustafa b. Hüseyin, Halil b. ( ), Mustafa Çelebi b. Hüseyin, Receb Çelebi, Mehmed Çelebi b. Ahmed.