İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 127 Hüküm no: 117 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aslen Eğinli olup Yalakabad kasabasında vefat eden Ömer Bey b. Hızır b. Abdullah’ın tereke ve diğer işleri için vasi tayin edilen İbrahim Bey b. Ahmed’in üzerine İbrahim b. Ali’nin nazır tayini Fi’l-asl vilâyet-i Anadolu’da Eğin kazâsına tâbi‘ Şirzu nâm karye ahâlîsinden ve mahmiye-i İstanbul’da Kumkapı kurbünde Kömürcü tâifesinden olup Yalakabad kasabasında fevt olan Ömer Bey b. Hızır b. Abdullah nâm kimesnenin mahmiye-i mezbûrede olan terekesini ve zimem-i nâsda olan hukukunu kabz ve düyûn-ı müsbetesini edâya kıbel-i şer‘den mansûb vasîsi olan İbrahim Bey b. Ahmed üzerine nâzır nasb u ta‘yîn olunmak lâzım ve mühim ve işbu râfi‘ü’l-kitâb diğer İbrahim b. Ali nezâret-i mezbûre uhdesinden gelmeğe her vechile kādir olduğunu zeyl-i kitâbda muharrerü’l-esâmî müslimîn ihbâr etmeleriyle merkūm diğer İbrahim Bey b. Ali vasiyy-i merkūm İbrahim Bey b. Ahmed üzerine kıbel-i şer‘den nâzır nasb u ta‘yîn olundukda ol dahi nezâret-i mezbûreyi kabûl ve hizmet-i lâzımesin edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’s-sâmin aşer mine’l-Muharremi’l-harâm li-sene mi’e ve elf. Şuhûdü’l-hâl: Ömer Bey b. İsmail, Ebûbekir b. Hüseyin, Hüseyin Bey b. Osman, İsmail Bey b. Ahmed, Mustafa Bey b. Haydar, Ahmed Bey b. Abdullah, İbrahim Çelebi b. Ahmed.