İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 141 Hüküm no: 137 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın mehir ve nafakasını alarak kocası Mustafa b. Mehmed’den boşanması Mahmiye-i İstanbul’da Sultan Selim Câmi‘-i şerîfi kurbünde Çukurbostan mahallesi sâkinelerinden Âişe bt. Mustafa nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde zevc-i dâhili işbu bâ‘isü’l-kitâb Mustafa b. Mehmed mahzarında ikrâr ve takrîr-i kelâm edip zevcim mezbûr Mustafa zimmetinde mükekarrir ve ma‘kūdün-aleyh yedi yüz akçe mehr-i müeccelim ve nafaka-i iddet-i ma‘lûmem üzerlerine ve [me’ûnet-i] süknân dahi kendi üzerime olmak üzere zevcim mezbûr Mustafa ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl etdikden sonra hukuk-ı zevciyyete müte‘allika âmme-i da‘vâdan mezbûr Mustafa’nın zimmetini ibrâ-ı âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-ışrîn min-Muharremi’l-harâm li-sene mi’e ve elf. Şuhûdü’l-hâl: Ali Efendi el-İmâm, Süleyman Efendi, Abdullah Efendi b. Abdullah, İbrahim Çelebi [b.] Ahmed.